لاہور۔12جون (اے پی پی):چین نے پاکستان ریلوے کو ٹیکنالوجی کی مکمل ٹرانسفر کرنے کا وعدہ پورا کر دیا ۔ پاکستان ریلوے نے مال گاڑیوں کی بین الاقوامی معیار کی ویگنیں مقامی طور پر تیار کر لیں۔سی ای او ریلوے نے بدھ کو لاہور کینٹ ریلوے اسٹیشن پر ویگنوں کا افتتاح کر دیا۔40 ہائی کپیسٹی ویگنیں ریلوے فلِیٹ میں شامل کر دی گئیں۔جدید ڈیزائن کی حامل ویگنیں کنٹینروں کو بھی ایک جگہ سے دوسری جگہ منتقل کر سکیں گی۔
سی ای او ریلوے عامر بلوچ نے کہا کہ چینی ٹیکنالوجی سے بننے والی ویگنوں کے پاس 70 ٹن لوڈ لے جانے کی صلاحیت موجود ہے ۔اب مال گاڑی بھی 100 کلومیٹر فی گھنٹہ کی رفتار سے چل سکے گی۔ انہوں نے کہاکہ مالی سال 26-2025 کے اختتام پر ایسی 820 کوچز ریلوے سسٹم میں شامل ہو جائیں گی۔مقامی طور پر ویگنوں کی تیاری سے فارن ایکسچینج ریزرو کی بچت ہوگی۔ انہوں نے مزید کہاکہ ویگنوں سے ہر سال آمدن میں 9 ارب روپے سے زائد کا اضافہ ہو گا۔ویگنوں کی مقامی سطح پر تیاری خود انحصاری کی جانب اہم اقدام ہے۔
Short Link: https://urdu.app.com.pk/urdu/?p=475300
