بیجنگ۔12مارچ (اے پی پی):رواں سال چین کے چھوٹے اور درمیانے درجے کے کاروباری اداروں کا ترقیاتی رجحان برقرار رہا ۔چائنا ایسوسی ایشن آف سمال اینڈ میڈیم سائز انٹرپرائزز کی جانب سے جاری کردہ اعداد و شمار کے مطابق فروری میں ایس ایم ای ڈویلپمنٹ انڈیکس 89.8 رہا جو جنوری کے مقابلے میں 0.8 پوائنٹس زیادہ ہے۔بدھ کو چینی میڈ یا نے بتا یا کہ فروری میں میکرو اکنامک پرسیپشن انڈیکس، جامع بزنس انڈیکس، مارکیٹ انڈیکس، کاسٹ انڈیکس، لیبر انڈیکس اور ان پٹ انڈیکس میں اضافہ جاری رہا۔ کیپٹل انڈیکس اور کارکردگی انڈیکس گراوٹ سے بڑھوتری کی حد میں آ چکا ہے۔
چھوٹے اور درمیانے درجے کے کاروباری اداروں کی خوشحالی کی سطح میں اضافے کا رجحان برقرار رہا۔فروری میں ، صنعت ، نقل و حمل ، رئیل اسٹیٹ ، تھوک اور خوردہ ، سماجی خدمات ، اور انفارمیشن ٹرانسمیشن سافٹ ویئر کے انڈیکس میں اضافہ جاری رہا۔جبکہ تعمیراتی صنعت ، رہائش اور کیٹرنگ کی صنعت کے اشاریے گراوٹ سے بڑھوتری میں تبدیل ہو گئے ہیں۔ اس سے ظاہر ہوتا ہے کہ صنعت کا آپریشن مسلسل بہتر ہو رہا ہے۔
Short Link: https://urdu.app.com.pk/urdu/?p=571569
