اسلام آباد۔1اپریل (اے پی پی):سینٹرل ڈویلپمنٹ ورکنگ پارٹی (سی ڈی ڈبلیو پی) کا اجلاس ڈپٹی چیئرمین پلاننگ کمیشن محمد جہانزیب خان کی زیر صدارت منعقد ہوا ۔
اجلاس میں سیکرٹری پلاننگ اویس منظور سمرا، ممبران پلاننگ کمیشن، ایڈیشنل سیکرٹری پلاننگ کامران رحمان، وفاقی وزارتوں اور صوبائی حکومتوں کے نمائندوں نے شرکت کی۔ سی ڈی ڈبلیو پی نے فزیکل پلاننگ اور ہاؤسنگ سیکٹر کیلئے اسلام آباد میں نیشنل فرانزک سائنس ایجنسی کے قیام (5ویں نظر ثانی شدہ PC-1) کی منظوری دی، یہ پراجیکٹ جس کی لاگت 1,831.114 ملین روپے ہے،
یہ نظرثانی شدہ ورژن صرف اسلام آباد ایجنسی پر مرکوز ہے جبکہ 2002 میں منظور شدہ اصل پروجیکٹ کا مقصد صوبائی ہیڈ کوارٹرز میں فرانزک سائنس لیبارٹریز قائم کرنا تھا جس میں اسلام آباد میں ایک اہم لیبارٹری اور تربیتی سہولیات موجود تھیں۔ وزارت خزانہ نے 500 ملین امریکی ڈالر کی کل لاگت کے ساتھ "پائیدار پبلک پرائیویٹ پارٹنرشپ پروگرام کو فروغ دینے” کے لئے منظوری کی تجویز بھی پیش کی۔
سی ڈی ڈبلیو پی نے پروگرام کے پہلے مرحلے کی منظوری دی جس کی مالیت 250 ملین امریکی ڈالر تھی۔ اس پروگرام کا مقصد وفاقی سطح پر پبلک پرائیویٹ پارٹنرشپ کو فروغ دے کر انفراسٹرکچر فنانسنگ کے لئے ماحول کو بہتر بنانا ہے۔ یہ سڑکوں، ہاؤسنگ، صحت کی دیکھ بھال، تعلیم، پانی اور صفائی اور ٹیکنالوجی جیسے اہم شعبوں میں نجی سرمایہ کاری کو راغب کرنے کی کوشش ہے۔ یہ پروگرام بنیادی پالیسی، قانونی، اور ادارہ جاتی اصلاحات کو لاگو کرنے کے لئے ایک پروگرامی نقطہ نظر پر عمل کرے گا اور طویل مدتی پائیداری کو یقینی بنانے کے لئے متعلقہ اداروں کے اندر صلاحیت پیدا کرے گا۔
یہ پاکستان کے وژن 2025 کے ستونوں سے ہم آہنگ ہے جس کا مقصد پاکستان کی معیشت کو 2047 تک دنیا کی ٹاپ 10 میں سے ایک میں تبدیل کرنا ہے۔ سی ڈی ڈبلیو پی نے اسلام آباد کے کُری روڈ پر دانش سکول کے قیام کے حوالے سے وفاقی تعلیم اور پیشہ وارانہ تربیت کی وزارت سے ایک ورکنگ پیپر بھی لیا اور اس پر تبادلہ خیال کیا۔سپانسرز سے کہا گیا کہ وہ فزیبلٹی سٹڈی کریں، لاگت کو معقول بنائیں اور گورننس ماڈل کو مضبوط کریں۔
