سیالکوٹ۔1ستمبر (اے پی پی):اسسٹنٹ ڈائریکٹر پیسٹ وارننگ اینڈ کوالٹی کنٹرول محکمہ زراعت سیالکوٹ ڈاکٹرمقصود احمد نے کہا کہ کاشتکار مونگ ماش کی بیماریوں اورکیڑے مکوڑوں کے فوری تدارک کے لئے مناسب حکمت عملی اپنائیں تاکہ فصل کونقصان کی معاشی حد سے بچایاجاسکے۔
انہوں نےاے پی پی کوبتایا کہ مونگ ماش کی اچھی پیداوار کے لیے جڑی بوٹیوں کی بروقت تلفی بھی نہایت ضروری ہے۔انہوں نے کہا کہ مونگ ماش کی فصل کو تین پانی درکارہوتے ہیں لہذاپہلا پانی اگاؤ کے 3سے 4ہفتے بعد،دوسرا پھول نکلنے پراورتیسرا پانی کھیلیاں نکلنے پر دیاجائے۔
انہوں نے بتایاکہ فصل کی ضرورت کے مطابق اس کی آبپاشی کی جائے نیزاگربارش کا زائدپانی کھیت میں جمع ہوجائے تو اس کے نکاس کا بھی فوری انتظام کریں۔ انہوں نے کہا کہ کاشتکاروں کو مونگ ماش کی بیماریوں اورکیڑے مکوڑوں کے تدارک کے لیے مناسب حکمت عملی اپنانے سمیت ماہرین زراعت یا محکمہ زراعت کے فیلڈسٹاف کی خدمات سے استفادہ کی بھی ہدایت کی۔
Short Link: https://urdu.app.com.pk/urdu/?p=385057
