فیصل آباد۔ 23 ستمبر (اے پی پی):محکمہ زراعت کے شعبہ پلانٹ پروٹیکشن، پیسٹ وارننگ اینڈ کوالٹی کنٹرول آف پیسٹی سائیڈز فیصل آباد کے ڈپٹی ڈائریکٹر اسرار احمد نے کاشتکاروں کو ہدایت کی ہے کہ وہ دھان کی فصل کو زہروں سے پاک رکھنے کےلئے اس پر ممنوعہ زہروں کا استعمال نہ کریں ،فصل پرصرف محکمے کے ماہرین کی سفارش کردہ محفوظ زہروں کا استعمال کیا جائے تاکہ چاول عالمی منڈی میں زیادہ ریٹ پر فروخت ہو سکے۔
ایک بیان میں اسرار احمد نے کہا کہ دھان کی فصل اہم مرحلے میں داخل ہو چکی ہے اس لئے کاشتکار اسے بیماریوں اور کیڑے مکوڑوں سے بچانے کےلئے اس کا باقاعدگی سے معائنہ کرتے رہیں ،بوقت ضرورت مقامی زرعی ماہرین کی سفارشات پر محفوظ زہروں کا استعمال کریں۔انہوں نے کاشتکاروں کو آگاہ کیا کہ زہر کے استعمال اور فصل کی برداشت کے درمیان محکمانہ مشاورت سے مناسب وقفہ رکھیں تاکہ زہر کی باقیات جنس میں نہ پائی جائیں اورچاول زہر کے اثرات سے محفوظ رہے۔
Short Link: https://urdu.app.com.pk/urdu/?p=504824
