کاشتکارسن فلاور کی مخلوط کاشت کرکے اپنی فی ایکڑ پیداوار میں اضافہ سمیت ملک کو خوردنی تیل کی پیداوار میں خود کفیل بناسکتے ہیں،عامر صدیق

فیصل آباد ۔ 03 مارچ (اے پی پی):اسسٹنٹ ڈائریکٹرمحکمہ زراعت توسیع فیصل ا ٓبادعامر صدیق نے کہا کہ پاکستان میں بڑھتی ہوئی آبادی کیلئے تیل کی ضرورت کو پورا کرنا ایک بڑا چیلنج ہے کیونکہ زرعی ملک ہونے کے باوجود ہر سال خوردنی تیل کی پیداوارکی درآمدپر 350 ارب روپے سے زیادہ کا قیمتی زرمبادلہ خرچ کر نا پڑتا ہے جبکہ پاکستان میں تیل دار اجناس کے زیر کاشت رقبہ اور فی ایکڑ پیداوار میں اضافے کی کافی گنجائش موجود ہے اسلئے حکومت نے زرعی ایمرجنسی پروگرام کے تحت اس ضمن میں بھاری رقم مختص کی ہے۔

انہوں نے بتایاکہ پروگرام کے تحت سورج مکھی کی کاشت کو فروغ دینے کیلئے سورج مکھی کی کاشت پرسبسڈی دی جائے گی تاکہ تیل دار اجناس کے رقبے اور پیداوار میں اضافہ کیا جا سکے۔ انہوں نے کہا کہ کاشتکارکماد میں سورج مکھی کی مخلوط کاشت کرکے اپنی فی ایکڑ پیداوار میں اضافہ کرکے ملک کو خوردنی تیل کی پیداوار میں خود کفیل بناسکتے ہیں۔ انہوں نے کہا کہ سورج مکھی کے اچھے ہائبرڈ بیج ہا ئی سن 33، ایس 278، ایگورا 4 اور این کے سینجی کی کاشت سے بہتر پیداوار حاصل کی جا سکتی ہے۔ انہوں نے بتایاکہ بہاریہ سورج مکھی کی کاشت کا بہترین وقت 15مارچ تک ہے۔

Short Link: https://urdu.app.com.pk/urdu/?p=568115