کاشتکاروں کو مکئی کی فصل میں فاسفورس اور پوٹاش کی ساری مقدار ڈالنے کی ہدایت

فیصل آباد ۔ 19 اگست (اے پی پی):محکمہ زراعت پنجاب نے آبپاش علاقوں کے کاشتکاروں کو مکئی کی فصل میں فاسفورس اور پوٹاش کی ساری مقدار ڈالنے کی ہدایت کی ہے اور کہاہے کہ کاشتکار 30اگست سے قبل مکئی کے کھیتوں میں فاسفور س اور پوٹاش کی مکمل مقدار جبکہ نائٹروجن کا پانچواں حصہ ڈال دیں تاکہ مکئی کی اچھی پیداوار حاصل ہو سکے۔

اسسٹنٹ ڈائریکٹر زراعت توسیع فیصل آباد خالد اقبال نے بتایاکہ موسم برسات کے دوران جڑی بوٹیاں تیزی سے افزائش پاتی ہیں لہٰذا ان جڑی بوٹیوں کی بروقت تلفی بھی ضروری ہے۔ انہوں نے کہاکہ مکئی کی اچھی پیداوار کیلئے ڈرل کاشت کی صورت میں 12 سے13 کلوگرام جبکہ کھیلیوں پر کاشت کی صورت میں 8 سے10کلوگرام اور چارہ کے طور پر استعمال کی صورت میں 40 سے50کلوگرام فی ایکڑ بیج استعمال کیاجاسکتاہے۔

Short Link: https://urdu.app.com.pk/urdu/?p=380645