فیصل آباد۔ 02 جنوری (اے پی پی):کاشتکاروں کوجنوری کے آغاز سے ہی نیاز بو کی کاشت شروع کرنے کی ہدایت کی گئی ہے اور کہا گیا ہے کہ وہ یہ کاشت ابھی شروع کرکے فروری کے آخر تک مکمل کرسکتے ہیں نیزانہیں کاشت سے پہلے 10سے 15ٹن گوبر کی کھاد ڈال کر 3سے 4 مرتبہ ہل اور سہاگہ چلا کر زمین کو اچھی طرح باریک کرنے کا بھی مشورہ دیا گیا ہے تاکہ نیاز بو کی بہتر فصل حاصل کرنے میں مدد مل سکے۔
ریسرچ انفارمیشن یونٹ ایوب زرعی تحقیقاتی ادارہ فیصل آبادکے ترجمان نے کہا کہ اگر کاشتکار نیاز بو کی فصل کو 2سے 3فٹ کے فاصلہ پر لائنوں میں کاشت اور فصل کو پہلا پانی بوائی کے فوراً بعد جبکہ بعد ازاں 15،15روز کے وقفہ سے آبپاشی کریں تو اسکے بہترین نتائج حاصل ہو سکتے ہیں۔ انہوں نے بتا یا کہ نیاز بو کی اچھی پیداوار کیلئے جڑی بوٹیوں کی تلفی بھی اشد ضروری ہے جس کیلئے 2سے 3مرتبہ گوڈیاں کرنا ضروری ہے۔
انہوں نے کہا کہ جب پودے 3سے 4انچ تک بڑے ہوجائیں تو کاشتکار ان کی چھدرائی کر کے پودوں کا درمیانی فاصلہ 1سے ڈیڑھ فٹ کر دیں تاکہ پودوں کی بڑھوتری متاثر نہ ہو۔
Short Link: https://urdu.app.com.pk/urdu/?p=541675
