اسلام آباد۔17اگست (اے پی پی):برطانوی اخبار فنانشل ٹائمز کے مطابق کریپٹو اقدامات سے واشنگٹن میں پاکستان کی اہمیت اور سرمایہ کاری کے امکانات میں اضافہ ہوا ہے۔فیلڈ مارشل سید عاصم منیر کی حکمت عملی اور کریپٹو اقدامات سے واشنگٹن میں پاکستان کو پذیرائی حاصل ہوئی ہے۔ فنانشل ٹائمز نے اپنی ایک رپورٹ میں کہا گیا ہے کہ مائیکل کوگلمین غیر مقیم سینئر فیلو ایشیا پیسیفک فاؤنڈیشن کے مطابق امریکہ اورپاکستان کےتعلقات میں غیر متوقع بہتری اور نیا عروج دیکھنے کو ملا ہے،ٹرمپ انتظامیہ کے تعلقات اسلام آباد کے ساتھ بہتر ہو رہے ہیں جبکہ بھارت ناراض ہے۔
فنانشل ٹائمز کے مطابق پاکستان نے کریپٹو سفارت کاری کے ذریعے ٹرمپ کے کاروبار کے اندرونی حلقوں میں جگہ بنائی ہے،ورلڈ لبرٹی فنانشل نے پاکستان کریپٹو کونسل کے ساتھ لیٹر آف انٹینٹ پر دستخط کیے،کھربوں ڈالر مالیت کے پاکستان کے قیمتی معدنی وسائل ، ٹوکنائزیشن کے لیے تیار ہیں۔
اس حوالہ سے بلال بن ثاقب وزیر مملکت برائے کرپٹو اور بلاک چین واشنگٹن میں اہم تجارتی مذاکرات میں شریک ہیں ،پاکستان کی کریپٹو صلاحیتیں ٹرمپ کے قریبی حلقوں اور امریکی مشیروں کے سامنے مؤثر انداز میں پیش کی گئیں،واشنگٹن میں پاکستان کے کریپٹو منصوبوں کو امریکی تعریف اور دلچسپی حاصل ہوئی ہے جس سے سرمایہ کاری کے مواقع بڑھ گئے ہیں ۔
