ملتان۔ 21 اپریل (اے پی پی):کمشنر ملتان عامر کریم خان نے کہاہے کہ ڈویژنل انتظامیہ کی جانب سے ہیٹ ویو ایڈوائزری جاری کردی گئی ،سکولوں میں ٹھنڈے پانی کی دستیابی اورچھائوں میں اسمبلی کرانے کی بھی ہدایت کی گئی ہے ۔ان خیالات کااظہارانہوں نے ہیٹ ویو انتظامات بارے جائزہ اجلاس کی صدارت کرتے ہوئے کیا ۔
انہوں نے ہیٹ ویو سے نمٹنے کے لیے ہنگامی اقدامات کابھی حکم دیا۔انہوں نے کہاکہ متعلقہ ادارے ہیٹ ویو کے پیش نظر متعلقہ ادارے الرٹ رہیں،بچوں کو دھوپ میں کھیلنے سے روکنے اور ہیٹ پروٹیکشن کی ترغیب دینے کی سفارش بھی کی۔
انہوں نے کہاکہ عوام غیر ضروری طور پر باہر نکلنے سے گریز کریں، بازاروں، مساجد اور عوامی مقامات پر ٹھنڈے پانی کے پوائنٹس بنائے جائیں۔ انہوں نے کہاکہ مسافر شہریوں کے لیے بس سٹینڈز اور ریلوے سٹیشنز پر پانی و شیڈ کا بندوبست کیا ہے۔ انہوں نے شہریوں سے خاص طورپر بزرگ اور بیمار افراد کے لیے احتیاطی تدابیر اپنانے کی اپیل کی۔
انہوں نے بلدیاتی اداروں کو پرندوں اور جانوروں کے لیے پانی کی فراہمی یقینی بنانے اورڈی ایچ کیو، ٹی ایچ کیو میں ہیٹ ویو کائونٹرز اور 1122 کو کیمپ لگانے کاحکم دیا۔کمشنر کو اس موقع پرڈپٹی کمشنرزکی جانب سے تفصیلی بریفننگ بھی دی گئی۔
Short Link: https://urdu.app.com.pk/urdu/?p=584992
