کویتی ولی عہد کل سعودی عرب کا دورہ کریں گے

کویت سٹی۔10جون (اے پی پی):کویت کے ولی عہد شیخ صباح خالد الحمد الصباح کل (منگل کو )سعودی عرب کا سرکاری دورہ کریں گے۔ اردو نیوز نے کویتی خبررساں ایجنسی کے حوالے سے بتایا کہ کویتی ولی عہد وفد کے ہمراہ کل (منگل کو )سعودی عرب کا سرکاری دورہ کریں گے۔ قبل ازیں امیر کویت شیخ مشعل الأحمد الجابر الصباح نے شیخ صباح خالد الحمد الصباح کو ولی عہد مقرر کرنے کا فرمان جاری کیا تھا ۔

حلف اٹھانے کی تقریب میں امیر کویت نے ولی عہد کو مبارکباد پیش کی اور کامیابی کی امید ظاہر کی ۔خیال رہے کہ کویتی ولی عہد کا منصب سنبھالنے کے بعد شیخ صباح خالد الحمد الصباح کا یہ پہلا سرکاری دورہ ہے۔

Short Link: https://urdu.app.com.pk/urdu/?p=474646