فیصل آباد۔ 02 جنوری (اے پی پی):کپاس کی آئندہ فصل کو امریکن سنڈی کے نقصانات سے بچانے کیلئے کاشتکاروں کو حفاظتی اقدامات یقینی بنانے کی ہدایت کی گئی ہے اور کہاگیاہے کہ امریکن سنڈی کپاس کو نقصان پہنچانے کے بعد درجہ حرارت کم ہونے پر زمین میں سرنگ بنا کر سرمائی نیند سوجاتی ہے اور جنوری کے بعد درجہ حرارت بڑھنے پر اس کے پیوپے پروانے بن کر نکل آتے ہیں اور اردگرد کی فصلوں پر انڈے دے کر تعداد میں بڑھنا شروع کردیتے ہیں
اسلئے کپاس کے ایسے کھیتوں میں جہاں گندم یا کوئی اور فصل کاشت نہ کی گئی ہو وہاں کاشتکار کپاس کی چھڑیاں کاٹ کر31 جنوری سے پہلے کھیت میں ہل ضرور چلائیں کیونکہ ہل چلانے سے زمین کے اندر موجود امریکن سنڈی کے پیوپے درجہ حرارت بڑھنے سے پہلے تلف ہو جائیں گے۔
ریسرچ انفارمیشن یونٹ ۱ٓری فیصل ۱ٓباد کے مطابق ہل چلانے کیلئے زمین کا وتر ہونا ضروری نہیں کیونکہ خشک زمین میں بھی ہل چلایا جا سکتا ہے۔
انہوں نے کہا کہ اگر ایسے کھیتوں میں 31 جنوری سے پہلے ہل نہ چلایا گیا توآئندہ موسم میں امریکن سنڈی کا حملہ بڑھ جائے گا جس سے کپاس کی آنیوالی فصل کو نقصان پہنچ سکتاہے۔ انہوں نے کہاکہ کاشتکار مزید مشاورت و رہنمائی کیلئے ماہرین زراعت یا محکمہ زراعت کی ہیلپ لائن سے بھی استفادہ کر سکتے ہیں۔
Short Link: https://urdu.app.com.pk/urdu/?p=541668
