کھلی کچہری کا مقصد شہریوں کے مسائل سے براہ راست آگاہ ہو کر مسائل و تکالیف کا فوری ازالہ کرنا ہے،ڈی پی او

بھکر۔ 13 ستمبر (اے پی پی):آئی جی پنجاب پولیس ڈاکٹر عثمان انور ،آر پی او سرگودھا شارق کمال صدیقی کے ویژن کے مطابق ڈی پی او بھکر محمد نوید کی طرف سے روزمرہ کھلی کچہری کا سلسلہ جاری۔

ڈی پی او بھکر نے کھلی کچہری میں آنے والے شہریوں سے ملاقات کرکے ان کے مسائل دریافت کیے۔ ڈی پی او بھکر نے شہریوں کے مسائل سن کر متعلقہ پولیس افسران کو درخواستیں مارک کیں اور بذریعہ ٹیلیفون ضروری کاروائی کرکے رپورٹ بروقت بھجوانے کی تاکید کی،ڈی پی اؤ بھکر محمد نوید کا کہنا تھا کھلی کچہری کا مقصد شہریوں کے مسائل سے براہ راست آگاہ ہو کر مسائل و تکالیف کا فوری ازالہ کرنا ہے۔ میرے دفتر کے دروازے ہر خاص و عام کے لیے ہر وقت کھلے ہیں۔

Short Link: https://urdu.app.com.pk/urdu/?p=390064