کنگسٹن۔8مئی (اے پی پی):رواں سال شیڈول کیریبین پریمیئر لیگ کا 13واں ایڈیشن 14 اگست سے ویسٹ انڈیز میں شروع ہوگا۔ جس میں دنیائے کرکٹ کے مختلف ممالک کے نامور کھلاڑی ایکشن میں نظر آئیں گے۔سینٹ لوشیا کنگز کی ٹیم نے گزشتہ سال فائنل میچ میں گیانا ایمیزون واریئرز کو6 وکٹوں سے شکست دیکر لیگ کا چیمپئن ہونے کا اعزاز حاصل کیا تھا اس لئے سینٹ لوشیا کنگز کی ٹیم ٹائٹل کا دفاع کرے گی۔
لیگ میں 6 ٹیمیں ٹائٹل کے حصول کے لئے پنجہ آزمائی کریں گی جن میں دفاعی چیمپئن سینٹ لوشیا کنگز،اینٹیگوا اینڈ باربوڈا فالکنز ،سینٹ کٹس اینڈ نیوس پیٹریاٹس، بارباڈوس رائلز ،گیانا ایمیزون واریئرز ، سینٹ لوشیا کنگز اورٹرنباگو نائٹ رائیڈرزشامل ہیں۔لیگ میں فائنل سمیت 34میچز کھیلے جائیں گے۔
کیریبین پریمیئر لیگ کا آغاز 2013میں ہوا تھا۔ کیریبین پریمیئر لیگ کی تاریخ میں اب تک 12 ایڈیشن کھیلے جاچکے ہیں جن میں ٹرنبیگو نائٹ رائیڈرز کی ٹیم سب سے زیادہ چار مرتبہ ٹائٹل جیت چکی ہے، جمیکا تلاوا تین ،بارباڈوس کی ٹیم دو جبکہ گیانا ایمیزون واریئرز ،سینٹ کٹس اینڈ نیوس پیٹریاٹس کی ٹیمیں ایک ،ایک مرتبہ یہ ٹائٹل اپنے نام کر چکی ہیں۔
Short Link: https://urdu.app.com.pk/urdu/?p=594367
