کینولا کو کلر اٹھی اور سیم زدہ زمینوں کے علاوہ ہر قسم کی زمین پر کاشت کیا جا سکتا ہے، اسسٹنٹ ڈائریکٹرمحکمہ

سمبڑیال۔ 08 اکتوبر (اے پی پی):اسسٹنٹ ڈائریکٹر محکمہ زراعت (توسیع)سمبڑیال ڈاکٹر افتخار احمد وڑائچ نے کہاکہ کینولا کو کلر اٹھی اور سیم زدہ زمینوں کے علاوہ ہر قسم کی زمین پر کاشت کیا جا سکتا ہے۔انہوں نے کہا کہ کاشتکار زمین کی تیاری اچھی طرح کریں جس کیلئے3سے4 بار ہل چلا کر سہاگہ چلائیں، ہائی برڈ اقسام اور منظور شدہ اقسام کا بیج استعمال کریں۔

انہوں نے کہا ہے کہ کینولا کا بہترین وقت کاشت یکم تا 30 اکتوبر ہے اور شرح بیج 80فیصد سے زیادہ اگاؤوالابیج ڈیڑھ تا2 کلو گرام فی ایکڑ ہے۔انہوں نے کہا کہ کینولا کے تیل کا معیار عام سرسوں کی نسبت بہت اچھا ہے، کینولا کی کاشت کو فروغ دے کر خوردنی تیل کی درآمد پر آنے والے اخراجات کو کم کیا جا سکتا ہے۔

Short Link: https://urdu.app.com.pk/urdu/?p=509664