کینیڈا میں منعقدہ بین الاقوامی تجارتی نمائش میں شرکت کے لئے درخواستیں 12 دسمبر تک طلب

اسلام آباد۔3دسمبر (اے پی پی):ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ کینیڈا میں منعقد ہونے والی بین الاقوامی تجارتی نمائش ’’ پی ڈی اے سی شو ٹورنٹو 2025‘‘ میں شرکت کے لئے 12 دسمبر تک درخواستیں جمع کروائی جاسکتی ہیں ۔

ٹی ڈی اے پی کی جانب سے جاری تفصیلات کے مطابق 4 روزہ نمائش ٹورنٹو میں 2 سے 5 مارچ تک جاری رہے گی جس میں کاپر ، سونا ، لیتھیم ، گریفائٹ ، ایلومینیئم ، زنک ، جرمینیم اور دیگر معدنیات سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے ۔نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔