گوجرانوالہ۔ 25 ستمبر (اے پی پی):وزارتِ توانائی(پاور ڈویژن)کی ہدایت پرگیپکوریجن میں بجلی چوروں اورنادہندگان کیخلاف کریک ڈائون کے انیسویں روزبھی کامیابی سے جاری،مزید62 بجلی چورپکڑے گئے،943افراد کے خلاف مقدمات درج،115بجلی چورگرفتار
،بجلی چوروں کو9کروڑ سے زائد کے جرمانے کیے گئے ہیں۔تفصیلات کے مطابق وزیراعظم اور وزارت توانائی کی ہدایات پرگیپکو ریجن میں چیف ایگزیکٹو آفیسر انجینئرمحمد ایوب کی زیر نگرانی ریجن بھر میں بجلی چوروں کے خلاف کریک ڈائوں انیسویں روز بھی جاری رہا،7ستمبر سے شروع ہونے والے اس آپریشن کے دوران گیپکو سرویلنس ٹیموں کی کامیاب کارروائیوں کے نتیجہ میں سٹی سرکل میں 245، کینٹ سرکل میں 272، گجرات سرکل میں 110،سیالکوٹ سرکل میں 151، نارووال سرکل میں 110اور منڈی بہاوالدین میں 137 جبکہ ریجن بھر میں مجموعی طور پر 1025کنکشنز بجلی چوری میں ملوث پائے گئے،جن میں سے 943کے خلاف مقدمات درج کئے جا چکے ہیں جبکہ 115کو گرفتار بھی کیا جا چکا ہے۔
اس حوالے سے چیف ایگزیکٹو انجینئر نے بتایا کہ وزارتِ توانائی کی ہدایت پر گیپکو میں بجلی چوروں کے خلاف جاری کریک ڈائون میں اب تک 1025کنکشنز منقطع کئے گئے ہیں ،اِ ن میں 43زرعی ، 6انڈسٹریل،30کمرشل اور946گھریلو کنکشنز شامل ہیں۔ انہوں نے کہا کہ مختلف حربوں سے بجلی چوری میں ملوث پائے جانے والے ان صارفین کو 24لاکھ71ہزار یونتس کی مد میں 9کروڑ 24لاکھ روپے سے زائد کے ڈیٹکشن بل جاری کئے گئے ہیں جبکہ تمام صارفین کے کنکشنز منقطع کر کے ان کے خلاف ایف آئی آر کے اندراج کیلئے متعلقہ تھانوں میں درخواستیں دی گئی۔\
