اسلام آباد۔17اکتوبر (اے پی پی):وفاقی وزیر سائنس اینڈ ٹیکنالوجی چوہدری فواد حسین نے کہا ہے کہ تمام غیرجانبدارتجزیہ کار بھی کہ رہے ہیں کہ گوجرانوالہ کے جلسہ میں15سے18 ہزارلوگ جمع تھے ۔ انہوں نے ٹویٹ میں کہا کہ اپوزیشن کا پہلا جلسہ کوئی تاثر قائم نہیں کر سکا،قائدین کی تقاریر میں غیر جمہوری زبان استعمال کی گئی اوراداروں کیخلاف محاز بنانے کی ناکام کوشش کی گئی ،جلسہ سے تاثر جاتا ہے کہ اپوزیشن کو فائدہ نہیں نقصان ہوا۔
