سیالکوٹ۔18اپریل (اے پی پی):گورنمنٹ کالج وویمن یونیورسٹی میں منعقدہ واک میں مختلف سرکاری اور نجی مالیاتی اداروں ، سماجی تنظیموں کے نمائندگان اور طالبات نے کثیر تعداد میں شرکت کی۔ سٹیٹ بینک کا پاکستان فنانشل لٹریسی ویک 2025 (پی ایف ایل ڈبلیو)کے تحت رکن صوبائی اسمبلی چوہدری فیصل اکرام ، چیف منیجر سٹیٹ بینک آف پاکستان فوزیہ اسلم کی زیر صدارت گورنمنٹ کالج وویمن یونیورسٹی سیالکوٹ میں فنانشل لٹریسی واک کی گئی۔ اس موقع پر مہمان خصوصی و رکن صوبائی اسمبلی چودھری فیصل اکرام نے کہا کہ واک کا مقصد مالی آگاہی، شمولیت اور خود مختاری کو فروغ دینا ہے۔
مینجر سٹیٹ بینک فوزیہ اسلم نے کہا کہ رواں برس لٹریسی ویک کا عنوان’’مالیاتی شمولیت بذریعہ تعاون اور اختراع ‘‘ رکھا گیا ہے ۔ انہوں نے کہا کہ ایسی سرگرمیوں کا مقصد افراد کو مالیاتی فیصلے بہتر طریقے سے کرنے کے قابل بنانا، ڈیجیٹل مالیاتی سہولیات کو اپنانے کی ترغیب دینا اور پاکستان کی معاشی ترقی میں فعال کردار ادا کرنا ہے۔ سٹیٹ بینک آف پاکستان کا یہ احسن اقدام ہے، اس سے ملک بھر میں مالی خواندگی اور شمولیت کے فروغ میں اضافہ ہوگا ۔مالیاتی خواندگی طالبات کو زندگی کی ضروری مہارتوں سے آراستہ کرتی ہے۔
انہوں نے کہا کہ جس سے وہ اچھی طرح سے باخبر مالی فیصلے کرنے اور زندگی بھر اپنے پیسوں کا مؤثر طریقے سے انتظام کرنے کے قابل بناسکیں گی ۔ مالیاتی خواندگی ہفتہ کی سرگرمیاں افراد کو صحیح مالی فیصلے کرنے، معاشی ترقی میں حصہ ڈالنے اور ملک میں مالی خواندگی کی مطلوبہ سطح کو اپنانے کے لیے درکار علم اور آلات سے بااختیار بنائیں گی۔افتتاحی تقریب میں خواتین یونیورسٹی کی وائس چانسلر پروفیسر ڈاکٹر شازیہ بشیراورطالبات بھی موجود تھے۔
Short Link: https://urdu.app.com.pk/urdu/?p=583962
