گورنمنٹ کالج یونیورسٹی میں گیارہویں جماعت میں داخلوں کا انٹری ٹیسٹ لاہور ہائیکورٹ میں چیلنج کردیا گیا

لاہور۔4ستمبر (اے پی پی):گورنمنٹ کالج یونیورسٹی لاہور میں گیارہویں جماعت میں داخلوں کے لیے انٹری ٹیسٹ لینے کا اقدام لاہور ہائیکورٹ میں چیلنج کردیا گیا، درخواست گزار طلبا کے وکیل رانا سکندر نے موقف اپنایا کہ ایچ ای سی نے انٹری ٹیسٹ کرنے کی کوئی اجازت نہیں دی لیکن پھر یہ ٹیسٹ لئے گئے،

محض کمائی کی نیت سے داخلہ ٹیسٹ لیا گیا، فی کس امیدوار دو ہزار روپے کے حساب سے 35ہزار امیدواران کو مالی طور پر لوٹا گیا اور ان سینکڑوں امیدواران کو بھی فیل کردیا گیا جو بورڈز امتحانات میں نمایاں نمبرز سے کامیاب ہوئے،

جن امیدواران نے ایک سے زائد ڈسپلن میں داخلہ کے لیے اپلائی کیا ان کو فیس وصولی کے باوجود وقت نہیں دیا گیا ،عالمی سطح پر بھی داخلے کیلئے انٹری ٹیسٹ کے بجائے میٹرک کے نتائج پر انحصار کیا جاتا ہے، استدعا ہے کہ انٹری ٹیسٹ کو کالعدم قرار دیا جائے، انٹری ٹیسٹ کی مد میں وصول کی جانے والی رقم کا آ ڈٹ کرایا جائے۔

Short Link: https://urdu.app.com.pk/urdu/?p=386563