لاہور۔30جنوری (اے پی پی):سوئی ناردرن ترجمان کے مطابق پنجاب، خیبر پختونخواہ اور اسلام آباد کے مختلف علاقوں میں گیس چوری کے خلاف جاری کریک ڈائون کے دوران مزید667 گیس کنکشن منقطع کردیئے گئے جبکہ 2کروڑ94لاکھ کے جرمانے عائد کیے گئے۔ سوئی ناردرن گیس نے لاہور میں گیس کے غیر قانونی استعمال پر 18 گھریلو کنکشن جبکہ کمپریسر کے استعمال پر 8کنکشن منقطع کیے اور 1لاکھ 60ہزار کے جرمانے بھی عائد کئے گئے ۔
راولپنڈی میں گیس کے غیر قانونی استعمال پر 111کنکشن جبکہ کمپریسر کے استعمال پر بھی 2گیس کنکشن منقطع کیے گئے اور 5لاکھ 60ہزار کے جرمانے بھی عائد کیے گئے۔شیخو پورہ میں غیر قانونی استعمال پر 45جبکہ کمپریسر کے استعمال پر 14کنکشن منقطع مزید30ہزار کے جرمانے بھی عائد کیے گئے۔ملتان میں ریجنل ٹیم نے گیس کے غیر قانونی استعمال پر 3گیس کنکشن منقطع کیے گئے جبکہ کمپریسر کے استعمال پر 64گیس کنکشن منقطع کیے گئے۔
سوئی ناردرن گیس نے پشاور /کرک میں میٹر سے چھیڑ چھاڑ،گیس کے براہ راست استعمال، غیر قانونی کنکشن پر 280کنکشن منقطع کیے اور2کروڑ 80لاکھ سے زائد کے جرمانے عائد کیے گئے ٹیم نے کارروائی کے دوران18ایف آئی آر بھی درج کیں۔ساہیوال میں ٹیم نے غیر قانونی استعمال پر 1جبکہ کمپریسر کے استعمال پر 8گیس کنکشن منقطع کیے گئے اور 1ایف آئی آر بھی درج کی گئی۔ فیصل آ باد میں ٹیم نے گیس کے غیر قانونی استعمال پر 5کنکشن جبکہ کمپریسر کے استعمال پر11 کنکشن منقطع کیے اور1لاکھ40ہزار کے جرمانے بھی عائد کیے گئے ۔
بہالپور میں کارروائی کے دوران 54جبکہ کمپریسر کے استعمال پر 33گیس کنکشن منقطع کیے گئے اور 4لاکھ سے زائد کے جرمانے بھی عائد کئے گئے۔مردان میں گیس کے غیر قانونی استعمال پر 10کنکشن منقطع کیے گئے اور60ہزار کے جرمانے بھی عائد کیے گئے ۔
شیخو پورہ میں گیس کے غیر قانونی استعمال پر 45گیس کنکشن منقطع کیے جبکہ کمپریسر کے استعمال پر 14گیس کنکشن منقطع کیے گئے اور 30ہزار کے جرمانے بھی عائد کیے گئے ۔
