نیویارک ۔ 31 اگست (اے پی پی) سٹار پاکستانی کھلاڑی اعصام الحق قریشی یو ایس اوپن ٹینس ٹورنامنٹ مینز ڈبلز ایونٹ میں (آج) جمعہ کو مہم کا آغاز کریں گے۔ امریکہ میں جاری سال کے چوتھے اور آخری گرینڈ سلام ٹورنامنٹ میں اعصام الحق اپنے نئے آسٹریلوی جوڑی دار ثام گروتھ کے ہمراہ ٹائٹل کے حصول کیلئے قسمت آزمائی کریں گے، اعصام اور گروتھ کو پہلے راﺅنڈ میں اینڈرے روبلیف اور کیرن خچانووف پر مشتمل روسی جوڑی کا چیلنج درپیش ہو گا۔
