برلن۔13اکتوبر (اے پی پی):ورلڈ ہیلتھ آرگنائزیشن اور یوروپی سنٹر فار ڈیزیز پریونشن اینڈ کنٹرول نے کہا ہے کہ کووڈ ۔19انفیکشن کی ایک اور لہر یورپ میں شروع ہو ہونے کا خدشہ ہے کیونکہ پورے خطے میں کیسز بڑھنا شروع ہو گئے ہیں۔
برطانوی خبررساں ادارے کے مطابق ڈبلیو ایچ او کے یورپ کے ڈائریکٹر ہنس کلوج اور ای سی ڈی سی کی ڈائریکٹر اینڈریا امون نے ایک مشترکہ بیان میں کہا ہے کہ اگرچہ ہم وہاں نہیں ہیں جہاں ہم ایک سال قبل تھے ، لیکن یہ واضح ہے کہ کووڈ۔19 کی وبائی بیماری ابھی ختم نہیں ہوئی ہے۔
انہوں نے کہا کہ ہم بدقسمتی سے یورپ میں ایک بار پھر کورونا وائرس کے اشارے بڑھتے دیکھ رہے ہیں، جس سے معلوم ہوتا ہے کہ کورونا وائرس انفیکشن کی ایک اور لہر ممکنہ طور شروع ہو گئی ہے لہذا یورپی ممالک موسمی انفلوئنزا کے کیسز میں متوقع اضافے سے پہلے فلو اور کووڈ ۔19 دونوں ویکسین لگائیں۔
واضح رہے کہ ڈبلیو ایچ او کے خطہ وار اعداد و شمار سے پتہ چلتا ہے کہ 2 اکتوبر کو ختم ہونے والے ہفتے میں صرف یورپ میں کووڈ۔19 کے کیسز میں اضافہ ریکارڈ کیا گیا ہے جو پچھلے ہفتے کے مقابلے میں 8 فیصد زیادہ ہے۔
Short Link: https://urdu.app.com.pk/urdu/?p=332435
