لاہور۔8ستمبر (اے پی پی):نگران وزیراعلی پنجاب محسن نقوی نے کہا ہے کہ دین اسلام خواندہ معاشرے پر بہت زیادہ زور دیتاہے اور قرآن مجید کی پہلی آیات میں بھی علم حاصل کرنے کی تلقین کی گئی ہے۔ خواندگی افراد کو اپنا معیار زندگی کو بہتر بنانے کا اختیار اور ترقی کرنے کے بے پناہ مواقع فراہم کرتی ہے۔وزیر اعلی محسن نقوی نے عالمی یوم خواندگی پراپنے پیغام میں کہا کہ خواندگی کے عالمی دن پر میں قوم کے بچوں سے کہنا چاہتا ہوں کہ آپ ہمارا روشن مستقبل ہیں،تعلیم حاصل کریں کیونکہ سو فیصد خواندگی حاصل کیے بغیر ہم روشن مستقبل کے بارے میں سوچ بھی نہیں سکتے۔
تعلیم کے میدان میں پیچھے رہنے والی قوم کبھی ترقی نہیں کر سکتی، اس لیے تعلیم کی ترقی ہماری اولین ترجیح ہے-انہوں نے کہا کہ اساتذہ خواندہ معاشروں کی تشکیل میں اہم کردار ادا کرتے ہیں۔ ناخواندگی ایک عالمی چیلنج ہے جس سے لاکھوں افراد متاثر ہیں۔ وزیر اعلی محسن نقوی نے کہا کہ تعلیم تک رسائی سب کے لیے آسان بنا کر ہر ایک کے لیے روشن مستقبل بنانا ہے۔ ایٹمی طاقت بننے کا عزم کیا اور ہم بنے، ہمیں عہد کرنا ہو گا کہ ہم 100فیصد خواندگی کی شرح حاصل کریں گے اور یہ عزم اور نئے جذبے کے ساتھ ممکن ہے۔
Short Link: https://urdu.app.com.pk/urdu/?p=388292
