لاہور۔19فروری (اے پی پی):پاکستانی فلم انڈسٹری کے معروف اداکار آغا طالش کی26ویں برسی پیر کومنائی گئی۔ آغا طالش کا اصل نام علی عباس قزلباش تھا۔
قیام پاکستان سے قبل ممبئی میں آغا طالش نے کرشن چندر کی فلم سرائے سے باہر سے اپنے فلمی سفر کا آغاز کیا۔1957 میں فلم سات لاکھ اور 1962 میں فلم شہید نے آغا طالش کو شہرت کی بلندیوں پر پہنچا دیا۔اداکار آغا طالش کی دیگر کامیاب فلموں میں باغی، فرنگی، عجب خان، کنیز اور تیرے عشق نچایا جیسی فلمیں شامل ہیں۔
زرقا سے لے کر یہ امن تک ہر فلم میں آغا طالش نے یادگار کردار ادا کیے۔ انہوں نے 500 سے زائد اردو، پنجابی اور پشتو فلموں میں اداکاری کی۔فلمی خدمات پر انہیں تمغہ برائے حسن کارکردگی اورنگار ایوارڈ سمیت دیگر کئی اعزازات سے نوازا گیا۔ 50 برس تک فلم نگری پر راج کرنے والے آغا طالش 19 فروری 1998 کو دنیائے فانی سے رخصت ہو گئے ۔
Short Link: https://urdu.app.com.pk/urdu/?p=440896
