ایل این جی کی قومی درآمدات میں فروری کے دوران 20 فیصد کمی

اسلام آباد۔10اپریل (اے پی پی):مائع قدرتی گیس (ایل این جی ) کی قومی درآمدات میں فروری 2025 کے دوران 20.06 فیصد کمی واقع ہوئی ہے۔

ادارہ برائے شماریات پاکستان (پی بی ایس) کے اعدادوشمار کے مطابق اس دوران درآمدات کا حجم 70.9 ارب روپے تک کم ہوگیا جبکہ فروری 2024 میں ایل این جی کی درآمدات کی مالیت 88.7 ارب روپے رہی تھی ۔

اس طرح فروری 2024 کے مقابلہ میں فروری 2025 کے دوران قدرتی مائع گیس کی ملکی درآمدات میں 17.8 ارب روپے یعنی 20 فیصد سے زیادہ کی کمی ریکارڈ کی گئی ہے ۔

Short Link: https://urdu.app.com.pk/urdu/?p=580222