ریاض۔10مئی (اے پی پی):سعودی عرب کی طلبہ کی ایک ٹیم ریجنیرون انٹرنیشنل سائنس اینڈ انجینئرنگ فیئر2025 میں شرکت کے لیے کولمبس، اوہائیو روانہ ہوگئی۔ ایس پی اے کے مطابق موھبہ اور وزارت تعلیم کے تحت سعودی طلبہ 2007 سے انٹرنیشنل سائنس اینڈ انجینئرنگ فیئر میں مسلسل شرکت کررہے ہیں۔
سعودی طلبہ نے مجموعی طور پر اس مقابلے میں 160 انعامات جیتے ہیں جس میں 110 گرینڈ پرائز اور50 سپیشل ایوارڈ شامل ہیں۔سعودی ٹیم میں 40 طلبہ شامل ہیں جن کا انتخاب نیشنل اولمپیاڈ فار سائنٹیفک کریٹیوٹی ’ ابداع 2025 ‘ کے فاتحین میں سے کیا گیا ہے۔ان کا انتخاب 200 طلبہ کے مسابقتی پول سے کیا گیا تھا جن کے پروجیکٹس نے اولمپیارڈ کے فائنل راونڈ کے لیے کوالیفائی کیا تھا۔’ ابداع 2025 ‘ کےلیے دو لاکھ 91 ہزار زیادہ طلبہ نے رجسٹریشن کرائی تھی۔ 22 سائنسی کیٹیگریز میں 23 ہزار پروجیکٹ جمع کرائے گئے۔
Short Link: https://urdu.app.com.pk/urdu/?p=595140
