لاہور۔22فروری (اے پی پی):شری کٹاس راج میں مہا شو راتری کی مذہبی رسومات کی ادائیگی کے لئے بھارتی ہندو یاتری 24 فروری کو واہگہ چیک پوسٹ کے راستے پاکستان پہنچیں گے۔
ترجمان متروکہ وقف املاک بورڈ کے ایڈیشنل سیکرٹری( شرائنز )سیف اللہ کھوکھر ،ممبران پاکستان ہندو مندر مینجمنٹ کمیٹی و اعلی حکام اور مقامی ہندو رہنما مہمانوں کا استقبال کریں گے۔
وفاقی وزارت مذہبی امور براے بین ا لمذاہب ہم آہنگی اور چیئرمین بورڈ سید عطا الرحمن کی خصوصی ہدایت پر ہندو یاتریوں کی پاکستان آمد کے حوالے سے سکیورٹی، رہائش اورٹرانسپورٹ سمیت دیگر انتظامات مکمل کر لئے گئے ہیں۔ ڈپٹی سیکرٹری جنرل (شرائنز )عمر جاوید اعوان نے کہا ہے کہ ہندو یاتری پاکستان پہنچنے کے بعد سپیشل بسوں کے ذریعے واہگہ بارڈر سے گورو دوارہ ڈیرہ صاحب لاہور جائیں گے جہاں وہ ایک دن قیام کریں گے، یاتری 25 فروری کو چکوال کے قریب تاریخی کٹاس راج مندر روانہ ہوں گے جہاں 26فروری کو ہندو یاتری مہا شو راتری کی مناسبت سے اپنی مذہبی رسومات ادا کریں گے جبکہ دورہ مکمل ہونے پر ہندو یاتری 2مارچ کو بھارت واپس روانہ ہوں گے۔
Short Link: https://urdu.app.com.pk/urdu/?p=564735
