ملک بھر میں سونے کی قیمت میں 10,000 روپے اضافہ ریکارڈ

اسلام آباد۔11اپریل (اے پی پی):ملک بھر میں سونے کی قیمت میں 10,000 روپے اضافہ کے ساتھ فی تولہ سونا 3 لاکھ 38 ہزار 8 سو روپے کا ہوگیا ۔آل پاکستان جیمز اینڈ جیولرز ایسوسی ایشن کے مطابق جمعہ کو سونے کی فی تولہ قیمت میں 10,000 روپے اضافہ کے بعد فی تولہ سونا 3 لاکھ 38 ہزار 8 سو روپے کا ہوگیا ہے جبکہ 24 قیراط سونے کے 10 گرام کی قیمت بھی 8,573 روپے اضافے کے بعد 281,893 روپے سے بڑھ کر 290,466 روپے ہوگئی۔

10 گرام 22 قیراط سونے کی قیمت 258,411 روپے سے بڑھ کر 266,261 روپے ہوگئی۔ آل سندھ صرافہ جیولرز ایسوسی ایشن نے رپورٹ کیا کہ فی تولہ اور دس گرام چاندی کی قیمت بالترتیب 3,234 اور 2,772 پر مستحکم رہی۔ ایسوسی ایشن نے رپورٹ کیا کہ بین الاقوامی مارکیٹ میں سونے کی قیمت 3,118 ڈالر سے بڑھ کر 3,218 ڈالر ہو گئی۔

Short Link: https://urdu.app.com.pk/urdu/?p=580727