اسلام آباد۔25مئی (اے پی پی):وزیرِ اعظم محمد شہباز شریف سے جی ڈی اے کے رکن قومی اسمبلی غوث بخش مہر نے وزیرِ اعظم ہاؤس میں ملاقات کی۔
جمعرات کو وزیراعظم آفس کے میڈیا ونگ سے جاری بیان کے مطابق ملاقات میں سردار غوث بخش مہر نے وفاقی حکومت کے سندھ میں جاری ترقیاتی منصوبوں کی جلد تکمیل کیلئے وزیرِ اعظم کی خصوصی دلچسپی پر انہیں خراج تحسین پیش کیا۔
انہوں نے 9 مئی کے افسوسناک واقعات کی مذمت کرتے ہوئے وزیرِ اعظم کی ذمہ داران کو قرار واقعی سزا کے احکامات کی بھی تعریف کی۔ملاقات میں موجودہ ملکی سیاسی صورتحال پر بھی تفصیلی تبادلہ خیال کیا گیا۔
