اسلام آباد ۔ 27 نومبر (اے پی پی) اطلاعات و نشریات کی وزیر مملکت مریم اورنگزیب نے کہا ہے کہ ہمارا بنیادی مقصد تعلیم کے شعبے میں بہتری لانا ہے تاکہ سرکاری سکولوں میں زیرتعلیم بچوں کو تعلیم حاصل کرنے کے بہتر اورمساوی مواقع اور سہولیات میسرآسکیں، ملکی تاریخ میں پہلی مرتبہ وزیراعظم کے تعلیمی اصلاحات کے پروگرام کے تحت اسلام آباد کے 422سکولوں اور کالجوں میں نجی سکولوں کی انتظامیہ کی معاونت سے سرکاری سکولوں اورکالجوں میں جامع اصلاحات کا پروگرام شروع کیا گیا ہے، سرکاری سکولوں کے فزیکل انفراسٹرکچر ، کوالٹی آف ایجوکیشن اور اساتذہ کی استعداد کار میں بہتری کیلئے ٹیچرز ٹرینگ پر خصوصی توجہ دی جا رہی ہے
