راولپنڈی۔8مارچ (اے پی پی):سکیورٹی فورسز نے شمالی وزیرستان میں دہشت گردوں کی موجودگی کی اطلاع پر آپریشن کیا۔فائرنگ کے تبادلے میں 4 دہشت گرد مارے گئے۔
آئی ایس پی آر کے مطابق سیکیورٹی فورسز نے شمالی وزیرستان ضلع میں خفیہ اطلاعات پر مبنی آپریشن کیا، جہاں دہشت گردوں کی موجودگی کی اطلاع ملی تھی۔آپریشن کے دوران، سیکیورٹی فورسز اور دہشت گردوں کے درمیان شدید فائرنگ کا تبادلہ ہوا، جس کے نتیجے میں چار دہشت گردوں کو جہنم واصل کر دیا گیا۔
مارے گئے دہشت گردوں کے قبضے سے ہتھیار، گولہ بارود اور بارودی مواد بھی برآمد ہوئے، جو علاقے میں متعدد دہشت گرد حملوں میں ملوث رہے ہیں۔علاقے کو دہشت گردوں سے پاک کرنے کے لیے سینٹائزیشن آپریشن جاری ہے۔ مقامی لوگوں نے اس کارروائی کی تعریف کی ہے اور دہشت گردی کے خاتمے کے لیے اپنی پوری حمایت کا اظہار کیا ہے۔
