بیجنگ۔25مارچ (اے پی پی):چینی وزارت خارجہ کے ترجمان لین جیئن نے کہا ہے کہ چینی پیپلز لبریشن آرمی کے اعزازی گارڈ کے وفد نے 84ویں ’’یوم پاکستان‘‘کے موقع پر 23 مارچ کو پاکستان کے دارالحکومت اسلام آباد میں فوجی پریڈ میں شرکت کی۔
یہ شرکت چین اور پاکستان کے درمیان منفرد اور گہری دوستی کی مکمل عکاسی کرتی ہے۔ پیر کو نیوز کانفرنس میں انہوں نے کہا کہ چاروں موسموں کے تزویراتی شراکت دار اور آہنی دوست کی حیثیت سے چین کی دلی تمنا ہے کہ پاکستان کو قومی ترقی و خوشحالی کے نصب العین میں مزید نئی اور بڑی کامیابیاں حاصل ہوں ۔
