گورنراینیشیٹیو کے تحت جاری منصوبے قابل تقلید ہیں،روانڈا ہائی کمشنر

کراچی۔ 21 جنوری (اے پی پی):گورنرسندھ کامران خان ٹیسوری سے روانڈا کی ہائی کمشنر فاطو ہرارےایمانا نے تین رکنی وفد کے ہمراہ گورنرہائوس میں ملاقات کی۔ملاقات میں پاک روانڈا تعلقات ، سرمایہ کاری ، تجارت میں اضافہ سمیت دلچسپی کے دیگر امور ر تبادلہ خیال کیا گیا۔جاری اعلامیہ کے مطابق اس موقع پر گورنر سندھ نے کہا کہ پاک روانڈا دوطرفہ تعلقات وقت کے ساتھ ساتھ مزید مستحکم ہورہے ہیں،انہوں نے مزید کہا کہ دونوں ممالک کی کاروباری برادری کے درمیان متواتر بات چیت خوش آئند ہے،روانڈا سے تجارت میں اضافہ کے خواہشمند ہیں،روانڈا کے سرمایہ کار صوبہ کے پرکشش ماحول اور منافع بخش شعبوں میں سرمایہ کاری سے فائدہ حاصل کرسکتے ہیں۔

روانڈا کی ہائی کمشنر نے کہاکہ پاکستان سے تعلقات کو اہمیت حاصل ہے ، روانڈا کے سرمایہ کار مختلف شعبوں میں دلچسپی رکھتے ہیں۔ ہائی کمشنر نے امید کی گھنٹی، راشن ڈرائیو اور آئی ٹی مارکی کا دورہ بھی کیا۔ ہائی کمشنر نے کہا کہ گورنر اینیشیٹوز کے تحت جاری منصوبے قابل تقلید ہیں۔

Short Link: https://urdu.app.com.pk/urdu/?p=549173