ہری پور پولیس کی کارروائیاں، 3 منشیات فروش گرفتار

ایبٹ آباد۔ 18 اپریل (اے پی پی):ہری پور پولیس نے مختلف کارروائیوں کے دوران 3 منشیات فروشوں کو گرفتار کر کے کلو چرس اور ہیروئن برآمد کر لی۔ ہری پور پولیس کے مطابق ایس ایچ او تھانہ ٹی آئی پی رضوان خان نے پولیس نفری کے ہمراہ کارروائی کرتے ہوئے ملزم سجاد احمد کو گرفتار کر کے اس کے قبضے سے 530 گرام ہیروئن برآمد کی۔

ایڈیشنل ایس ایچ او تھانہ سٹی میاں لیاقت نے پولیس نفری کے ہمراہ کارروائی کے دوران ملزم زاہد اقبال کو گرفتار کر کے 2 کلو 570 گرام چرس برآمد کر لی۔ ایڈیشنل ایس ایچ او تھانہ غازی صابر زمان نے پولیس نفری کے ہمراہ کارروائی کرتے ہوئے ملزم ذاکر ملک کو گرفتار کرکے 374 گرام ہیروئن برآمد کر لی۔ ملزمان کے خلاف الگ الگ مقدمات درج کر کے تفتیش شروع کر دی گئی ہے۔

Short Link: https://urdu.app.com.pk/urdu/?p=583936