لاہور۔24 فروری(اے پی پی )وزیر داخلہ احسن اقبال نے کہا ہے کہ پاکستان نے منی لانڈرنگ کے خلاف پہلے ہی بہت سے اقدامات کیے ہیں ۔ پاکستان کو واچ لسٹ میں شامل کرنے سے اقتصادی ترقی متاثر نہیں ہو گی۔ یہ تحریک پاکستان کو دباﺅ میں لانے کے لیے پیش ہوئی ۔ نیشنل ایکشن پلان کے تحت دہشت گردی کے خلاف بہت سے اقدامات کیے ہیں جو ہمارے اپنے مفاد میں ہیں ۔ پاکستان میں منی لانڈرنگ کے خلاف اقدامات دنیا کے بہت سے ممالک سے بہتر ہیں ۔ پاکستان کے قومی مسائل پر سیاستدانوں کو اکھٹے ہونا چاہیے ۔ سیاست میں سرجیکل اسٹرائیکٹس کا فائدہ ن لیگ کو پہنچ رہا ہے ۔ پارلیمنٹ ایک مرکز ہے تمام ادارے اس کے بطن سے جنم لیتے ہیں پارلیمنٹ کا احترام لازم ہے ۔ ملکی استحکام پر سرجیکل اسٹرائیکٹس کی جا رہی ہیں ۔ عوام میں تاثر جا رہا ہے کہ سیاست میں ٹارگٹ کلنگ ہو رہی ہے ۔ ن لیگ مخالف اقدامات سے عوامی حمایت میں کمی نہیں اضافہ ہو اہے ۔ وہ دی یونیورسٹی آف لاہور میں دوسری آل پنجاب YPDCورکشاپ میں خطاب کے بعد میڈیا سے گفتگو کر رہے تھے ۔
