پشاور۔ 27 دسمبر (اے پی پی):الیکشن کمیشن آف پاکستان کے احکامات کی روشنی میں ڈسٹرکٹ الیکشن کمشنرکوہاٹ نے بھی آئندہ عام انتخابات 2024 کے عملے کیلئے ٹریننگ شیڈول کاباقاعدہ اعلان کیا ہے اور متعلقہ محکموں کے حکام سے کہاہے کہ وہ ٹریننگ کیلئے فوکل پرسن تقرر کریں تاکہ وہ پولنگ عملے کی تربیتی سیشنزمیں حاضری یقینی بنائیں۔
پولنگ عملے کیلئے باقاعدہ ٹریننگ کا آغاز 2 جنوری 2024 سے ہوگا جو28 جنوری 2024 تک جاری رہے گا،اس امرکا اعلان سرکاری طورپر کیاگیا۔
