آئندہ 24 گھنٹوں کے دوران ملک کے بیشتر میدانی علاقوں میں موسم گرم اورشدید حبس برقرار رہنے کا امکان

اسلام آباد۔12اگست (اے پی پی):آئندہ 24 گھنٹوں کے دوران ملک کے بیشتر میدانی علاقوں میں موسم گرم اورشدید حبس برقرار رہنے کا امکان ہے تاہم شمال مشرقی پنجاب، اسلام آباد،خطہ پوٹھوہار ، بالائی خیبر پختونخوا،کشمیر اور گلگت بلتستان میں مطلع جزوی ابر آلود رہنےکے علاوہ چند مقامات پر تیز ہوائوں اور گرج چمک کے ساتھ بارش کی توقع ہے۔محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں مطلع جزوی ابر آلود اور حبس رہا تاہم بالائی خیبرپختونخوا،شمال مشرقی پنجاب، کشمیر اور گلگت بلتستان میں چند مقا مات پر گرج چمک کے ساتھ بارش ہوئی ۔سب سے زیادہ بارش خیبر پختونخوا : کشمیر: کوٹلی 12، گڑھی دوپٹہ 03، مظفرآباد ایئرپورٹ 01، خیبر پختونخوا: مالم جبہ 13، کاکول 08، پنجاب: سیالکوٹ (سٹی 06، ایئرپورٹ 01)، مری، نارووال 04، لاہور (ایئرپورٹ 03، سٹی 01)، گوجرانوالہ 03، فیصل آباد 01، گلگت بلتستان: بابو سر میں 02 ملی میٹر بارش ریکارڈ ہوئی۔منگل کو ریکارڈ کئے گئے زیادہ سےزیادہ درجہ حرارت : دالبندین 45، نوکنڈی اورچلاس میں 44سینٹی گریڈ ریکارڈ کیا گیا ۔