آرمی چیف جنرل قمر جاوید باجوہ سے افغانستان کے سفیر عمر زخیلوال کی ملاقات ، باہمی تعلقات اور خطے کی صورتحال پر تبادلہ خیال

راولپنڈی ۔ 14 اپریل (اے پی پی) آرمی چیف جنرل قمر جاوید باجوہ سے افغانستان کے سفیر عمر زخیلوال نے ملاقات کی جس میں باہمی تعلقات اور خطے کی صورتحال پر تبادلہ خیال کیا گیا ۔پاک فوج کے شعبہ تعلقات عامہ(آئی ایس پی آر) کے مطابق جمعہ کو آرمی چیف جنرل قمر جاوید باجوہ سے افغان سفیر عمر زخیلوال نے راولپنڈی میں ملاقات کی۔ ملاقات میں باہمی دلچسپی کے امور اور پاک افغان بارڈر پر سکیورٹی صورتحال پر تبادلہ خیال کیا گیا۔ ملاقات میں باہمی تعلقات کو بہتر بنانے کے لئے مختلف امور پر بھی تبادلہ خیال کیا گیا۔

Short Link: https://urdu.app.com.pk/urdu/?p=50701