آرمی چیف جنرل قمر جاوید باجوہ کی امریکی نمائندہ خصوصی زلمے خلیل زاد سے ملاقات میں گفتگو

راولپنڈی۔19 دسمبر (اے پی پی) بری فوج کے سربراہ جنرل قمر جاوید باجوہ نے کہا ہے کہ افغانستان میں امن پاکستان کے لیے بہت اہم ہے، پاکستان خطہ میں قیام امن اور استحکام کے لیے کوششیں جاری رکھے گا۔وہ بدھ کو امریکہ کے نمائندہ خصوصی زلمے خلیل زاد سے ملاقات کے دوران گفتگو کر رہے تھے ۔پاک فوج کے شعبہ تعلقات عامہ(آئی ایس پی آر) کے مطابق پاکستان کے دورے پر آئے امریکا کے نمائندہ خصوصی زلمے خلیل زاد نے آرمی چیف جنرل قمر جاوید باجوہ سے ملاقات کی جس میں افغان مفاہمتی عمل پر تبادلہ خیال کیا گیا۔آرمی چیف کے ساتھ ملاقات میں امریکہ کے نمائندہ خصوصی زلمے خلیل زاد نے افغان امن عمل کے لیے پاکستان کی کوششوں کو سراہا۔

Short Link: https://urdu.app.com.pk/urdu/?p=126796