آر پی او کی زیر صدارت ریجن بھر میں پولیس کے ترقیاتی منصوبوں پر پیش رفت کے حوالے سے جائزہ اجلاس کا انعقاد

سرگودھا ۔ 09 مئی (اے پی پی):ریجنل پولیس آفیسر سرگودھا محمد شہزاد آصف خان کی زیر صدارت ریجن میں پولیس کے ترقیاتی منصوبوں پر پیش رفت کے حوالے سے جائزہ اجلاس کا انعقاد ہوا۔ آر پی او محمد شہزاد آصف خان کی زیر صدارت پولیس ترقیاتی منصوبوں کا جائزہ اجلاس ریجنل پولیس آفس سرگودھا میں منعقد ہوا۔

اجلاس میں ڈسٹرکٹ پولیس آفیسر سرگودھا محمد صہیب اشرف، سپرنٹنڈنگ انجینئر بلڈنگ سرکل، پرنسپل پولیس ٹریننگ سکول، ایس پی ہائی وے پٹرول اور ایس پی آپریشنز سیف سٹی جبکہ خوشاب، میانوالی اور بھکر کے ڈی پی اوز نے بذریعہ ویڈیو لنک شرکت کی۔ اجلاس میں ترقیاتی منصوبوں میں ہونے والی پیش رفت کا تفصیلی جائزہ لیا گیا۔

آر پی او محمد شہزاد آصف خان نے جاری منصوبوں کو جلد از جلد مکمل کرنے کی ہدایت جاری کی ۔

Short Link: https://urdu.app.com.pk/urdu/?p=594916