آزاد کشمیر الیکشن کمیشن کے متعدد افسران کی ترقی و تعیناتی کے احکامات جاری

مظفر آباد۔ 07 اکتوبر (اے پی پی):آزادکشمیر الیکشن کمیشن نے متعدد افسران کی ترقیوں اور تعیناتیوں کے احکامات جاری کر دیئے۔ نوٹیفکیشن کے مطابق ڈپٹی الیکشن کمشنر بی-18 دفتر ڈپٹی الیکشن کمشنر راولپنڈی نویدہ گیلانی کو بطور الیکشن کمشنر بی-19 ترقی دیتے ہوئے دفتر ڈپٹی الیکشن کمشنر راولپنڈی میں تعینات کردیا گیا ہے۔

اسسٹنٹ الیکشن کمشنر انتظامیہ/سیکشن آفیسر بی-17 محمد عمر شیخ کو بطور ڈپٹی الیکشن کمشنر بی-18 ترقی، اسسٹنٹ الیکشن کمشنر بی-17 جہلم ویلی محمد صغیر مغل کو بطور ڈپٹی سیکرٹری /ڈپٹی الیکشن کمشنر بی-18 ترقی، سیکرٹری آفیسر بی-17 راجہ وسیم خان کوبطور ڈپٹی الیکشن کمشنر بی-18 ترقی دیتے ہوئے ہوئے مرکزی دفتر الیکشن کمیشن مظفر آباد تعینات کر دیا گیا ہے۔

نوٹیفکیشن کے مطابق ڈسٹرکٹ الیکشن آفیسر بی-16 باغ راجہ محمود خان کو ایکٹنگ چارج کی بنیادوں پر بطور اسسٹنٹ الیکشن کمشنر بی-17 جہلم ویلی ترقیاب/ تعینات جبکہ نگران بی-17 بلدیات راجہ مختیار حسین کو مرکزی دفتر الیکشن کمیشن میں اسسٹنٹ الیکشن کمشنر بی-17 کے خلاف ایکٹنگ چارج بنیادوں پر ترقی دی گئی ہے۔

اسی طرح روشن دین معاون بی-16 کو ایکٹنگ چارج بنیادوں پر بطور نگران بی-17 ترقی اور اسسٹنٹ الیکشن کمشنر حال پرائیویٹ سیکرٹری بی-17 ناصر رشید کو بطور اسسٹنٹ الیکشن کمشنر /سیکشن آفیسر تعینات کر دیا گیا ہے ۔ چیف الیکشن کمشنر کی منظوری کے بعد جملہ افسران کی ترقیابی/ تعیناتی کا باقاعدہ نوٹیفکیشن جاری کر دیا گیا۔