اسلام آباد۔4اگست (اے پی پی):پارلیمنٹ کے ایوان بالا سینیٹ کو بتایا گیا کہ آٹیزم کے علاج کی جدید سہولیات کی فراہمی کے لئے پی سی ون تیار کرلیا گیا ہے۔ جمعے کو ایوان بالا کے اجلاس میں سینیٹر نزہت صادق کے سوال کے جواب میں وزیرمملکت برائے قانون و انصاف شہادت اعوان نے کہا کہ نرم ہسپتال میں خصوصی افراد کے علاج کاانتظام کیا گیا ہے۔
آٹیزم کے علاج کے لئے ہم بین الاقوامی معیار کی سہولیات فراہم کرنا چاہتے ہیں اور ا س کے لئے جدید سہولیات کی فراہمی کو یقینی بنایاجا رہاہے جو بین الاقوامی معیار کے مطابق ہوں ، اس کے لئے پی سی ون تیار کر لیاگیا ہے جس پر مزید پیشرفت بھی کی جائے گی۔
