ابوظہبی۔31دسمبر (اے پی پی):متھدہ عرب امارات نے 2030 میں ابوظہبی میں انٹرنیشنل ایکویریم کانگریس کی میزبانی کا اعلان کیا ہے۔
امارات نیوز ایجنسی وام کے مطابق ا بوظہبی نے انٹرنیشنل ایکویریم کانگریس 2030 کی میزبانی کا اعزاز حاصل کر لیا ہے، جو کہ مشرق وسطیٰ میں اپنی نوعیت کا پہلا ایونٹ ہوگا۔ اس کامیاب بولی کی قیادت نیشنل ایکویریم ابوظہبی نے ابوظہبی کنونشن اینڈ ایگزیبیشن بیورو کے تعاون سے کی۔یہ کانگریس اکتوبر یا نومبر 2030 میں منعقد ہوگی اور آبی سائنس اور مینجمنٹ کے ماہرین کو یو اے ای کے دارالحکومت میں اکٹھا کرے گی۔
- نیشنل ایکویریم ابوظہبی، جو اپنی جدید نمائشوں، تحفظ کے اقدامات، اور تعلیمی پروگراموں کے لیے مشہور ہے، نے یہ اعزاز 2024 میں میکسیکو میں منعقدہ انٹرنیشنل ایکویریم کانگریس کے دوران حاصل کیا۔وام کے مطابق یہ ایونٹ نہ صرف ابوظہبی کو بین الاقوامی میٹنگز، انسنٹیوز، کانفرنسز، اور ایگزیبیشنز(مائیس)سرگرمیوں کے مرکز کے طور پر مزید مستحکم کرے گا بلکہ پائیداری اور عالمی تعاون کے لیے اس کے عزم کو بھی اجاگر کرے گا۔
