ابوظہبی ۔17اگست (اے پی پی):متحدہ عرب امارات کی قومی فضائی کمپنی اتحاد ایئرویز نے جولائی میں 1.7 ملین مسافروں کا خیرمقدم کیا اور اس دوران ایئرلائن نے89 فیصد کے مضبوط اوسط لوڈ فیکٹر کو حاصل کیا ہے۔
اردو نیوز کے مطابق اتحاد ایئرویز کے سی ای او، انتونوالڈو نییس نے کہا کہ جولائی میں مسافروں کی تعداد میں گزشتہ سال کی اسی مدت کے مقابلے میں 33 فیصد اضافہ ہوا ہے جو ہماری مسلسل مضبوط ترقی کو ظاہر کرتا ہے۔ رواں کے دوران اب تک 10.4 ملین مسافروں کو خدمات فراہم کی گئی ہیں جو گزشتہ سال کی اسی مدت کے مقابلے میں 2.8 ملین زیادہ ہیں۔ جولائی 2024 تک ہمارے 12 ماہ کے مسافروں کی تعداد اب 16.8 ملین تک پہنچ گئی۔
جولائی کا 89 فیصد لوڈ فیکٹر 2023 کے بعد سے نمایاں گنجائش میں توسیع کے درمیان موسم گرما کے دوران ہماری کامیاب کارکردگی کو ظاہر کرتا ہے۔
