اسلام آباد۔13اپریل (اے پی پی):اردو ادب کے ممتاز شاعر، ادیب اور نقاد فارغ بخاری کی 27 ویں برسی ہفتہ کو منائی گئی، ادبی حلقوں،ان کے مداحوں اور عزیزو اقارب نے انہیں خراج عقیدت پیش کیا۔ ان کا اصل نام احمد شاہ تھا جو 11 نومبر 1917 کو پشاور میں پیدا ہوئے۔ شاعری کی کتابیں لکھنے کے علاوہ ، انہوں نے ہندکو ، پشتو اور بنیادی طور پر اردو زبانوں میں ادب ، سماجی مسائل اور سیاست جیسے مختلف موضوعات پر کتابیں لکھیں۔ وہ13 اپریل 1997 کو پشاور میں انتقال کر گئے۔
