رام اللہ ۔5اکتوبر (اے پی پی):سینکڑوں فلسطینی اور اسرائیلی خواتین نے مقبوضہ مغربی کنارے میں القدس اور بحیرہ مردار کے قریبی علاقوں میں ریلی نکالی اور اسرائیل فلسطین تنازع کے خاتمے کا مطالبہ کیا ہے۔سعودی خبررساں ادارے کے مطابق مظاہرین نے "ہم امن چاہتے ہیں” کے نعرے لگائے۔
سفید لباس میں ملبوس کئی شرکا نے پلے کارڈز اٹھا رکھے تھے جن پر لکھا تھا "ہمارے بچوں کو مارنا بند کرو۔ مظاہرین نے کہاکہ ہم چاہتے ہیں ہمارے بچے مرنے کے بجائے زندہ رہیں۔ ایک فلسطینی کارکن اور الائنس فار مڈل ایسٹ پیس این جی او کے ڈائریکٹر ہدا ابو عرقوب نے بتایا کہ شرکا نے ابتدا میں القدس میں ریلی نکالی۔
یہ پہلا موقع ہے جب ہم اسرائیلی اور فلسطینی خواتین کے درمیان برابری کی سطح پر حقیقی شراکت داری کر رہے ہیں۔واضح رہےرواں سال اب تک اسرائیل اور فلسطین تنازع میں کم از کم 243 فلسطینی اور 32 اسرائیلی ہلاک ہو چکے ہیں۔
