اسلام آباد، راولپنڈی اور گردونواح کے علاقوں میں طوفانی بارش کے باعث متاثرہونے والے فیڈرز پر بجلی بحالی کا عمل جاری، ترجمان آئیسکو

اسلام آباد۔1مئی (اے پی پی):آئیسکو ریجن کے اسلام آباد، راولپنڈی اور گردونواح کے علاقوں میں طوفانی بارش کے باعث متاثرہونے والے فیڈرز پر بجلی بحالی کا عمل جاری ہو چکا ہے، بارش اور طوفان کے باعث 100 سے زائد فیڈرز متاثر ہوئے جن میں سے 80 فیصد فیڈرز بحال ہو چکے ہیں۔ ترجمان آئیسکو کی طرف سے جمعرات کو جاری بیانکے مطابق آئیسکو ٹیموں نے قلیل وقت میں 80 فیصد سے زائد فیڈرز پر بجلی بحال کر دی ہے۔

راولپنڈی کے کچھ علاقے سیٹلائیٹ ٹائون، وسٹریج، ٹینچ بھاٹہ، مصریال روڈ، بارہ کہو، ڈھوک کالا خان، شاہ خالد کالونی اور گردونواح میں بجلی بحالی کا کام جاری ہے۔ آئیسکو ٹیمیں متاثرہ علاقوں کی بجلی بحال کرنے کے لئے کوشاں ہیں۔ چیف ایگزیکٹو آئیسکو اور چیف انجینئر آپریشن سنٹرل کنٹرول روم سے بجلی بحالی کی تمام کارروائیوں کی نگرانی کر رہے ہیں۔ صارفین اپنی شکایات کا اندراج متعلقہ کمپلینٹ آفس اور ہیلپ لائن نمبر 118 پر کروائیں۔

Short Link: https://urdu.app.com.pk/urdu/?p=591015