امریکاکی طرف سے سکیورٹی خطرات کو کبھی برداشت نہیں کریں گے، شمالی کوریا

پیانگ یانگ۔17اپریل (اے پی پی):شمالی کوریا نے کہا ہے کہ امریکا کی طرف سے معمولی سکیورٹی خطرے کو بھی برداشت نہیں کریں گے۔ روسی خبر رساں ادارے تاس کے مطابق یہ بات شمالی کوریا کی وزارت دفاع کے ایک ترجمان نے جنوبی کوریا کے ساتھ مشترکہ فوجی مشق میں امریکی سٹریٹجک بمبار طیارے B-1B کی تعیناتی کے ردعمل میں ایک بیان میں کہی۔

انہوں نےجنوبی کوریا کے ساتھ مشترکہ فوجی مشق میں امریکی سٹریٹجک بمبار طیارے B-1B کی تعیناتی کو اشتعال انگیزی قرار دیتے ہوئے کہا کہ B-1B طیارے کا بار بار ظاہر ہونا اس بات کی نشاندہی کرتا ہے کہ امریکا اور اس کے سیٹلائٹ جزیرہ نما کوریا میں ایک مخالفانہ اور تصادم کا ماحول پیدا کرنا چاہتے ہیں کیونکہ ان کے اقدامات سے فوجی کشیدگی میں اضافہ ہوتا ہے۔

انہوں نے کہا کہ شمالی کوریا کی وزارت دفاع سختی سے متنبہ کرتی ہے کہ امریکا کی جانب سے فوجی سرگرمیوں میں ملوث ہونے کی دھوکہ دہی، جو ہماری ریاست کے لیے ایک سنگین سکیورٹی خطرہ ہے، امریکی سلامتی کے لیے منفی نتائج کا باعث بنے گی ۔ انہوں نے مزید کہا کہ شمالی کوریا مزاحمت کے اعلیٰ ذرائع استعمال کرے گا اور امریکا کو یہ یاد دلاتا رہے گا کہ بغیر اطلاع کے امریکی سٹریٹجک ذرائع کی تعیناتی طاقت کا غیر ذمہ دارانہ اور غیر ضروری استعمال ہے۔

بیان میں کہا گیا ہے کہ شمالی کوریا کی مسلح افواج دشمن قوتوں کو ملک کی خودمختاری اور سلامتی کے لیے معمولی خطرہ پیدا کرنے کی بھی اجازت نہیں دیں گی، جو امریکا کے جارحانہ عزائم کو ممکنہ طور پر دبائے گی، جو علاقائی سلامتی کے حوالے سے عدم استحکام کے مہلک عوامل کو برقرار رکھنے کی کوشش کرتا ہے۔

Short Link: https://urdu.app.com.pk/urdu/?p=583277