واشنگٹن۔21مارچ (اے پی پی):امریکا نے ایران پر نئی پابندیاں عائد کردیں ۔ رائٹرز کے مطابق امریکی محکمہ خزانہ کی ویب سائٹ نے اطلاع دی ہے کہ امریکانے ایران سے متعلق نئی پابندیاں جاری کردی ہیں۔ ایک شخصیت، متعدد اداروں اور بحری جہازوں کو پابندی کی زد میں لایا گیا ہے۔
ایک وہ چینی نجی شعبے کی آئل ریفائنری بھی پابندی کی زد میں آئی ہے جس پر ایرانی تیل کی خریداری اور پروسیسنگ کا شبہ ہے۔یہ اقدام ایرانی تیل کی فروخت پر امریکی پابندیوں کے چوتھے دور کی نمائندگی کر رہا ہے جب سے صدر ڈونلڈ ٹرمپ نے فروری میں ایران پرزیادہ سے زیادہ دباو کی پالیسی کو دوبارہ شروع کرنے کا اعلان کیا تھا۔ اس پالیسی کا مقصد ایران کی خام برآمدات کو صفر تک کم کرنا ہے۔
امریکی محکمہ خزانہ نے بتایا کہ ہدف بنائی گئی آئل ریفائنری چین میں قائم شیڈونگ شوگوانگ لووچینگ پیٹرو کیمیکل کمپنی سے تعلق رکھتی ہے۔ ایران کا کہنا ہے کہ اس کا ایٹمی پروگرام پرامن مقاصد کے لیے ہے۔ مغربی طاقتوں کا اصرار ہے کہ یورینیم کو اس سطح تک افزودہ کرنا جو ہتھیار بنانے کے لیے درکار ہیں، اس کا کوئی منطقی سویلین استعمال نہیں ہے۔
Short Link: https://urdu.app.com.pk/urdu/?p=574926
